TEZ-TEZ VERİLƏN SUALLAR
1. Suyun laborator analizi nə dərəcədə vacibdir?
Sudan istifadə edərkən onun tərkibini bilmək çox vacibdir. Belə ki, suyun içmək və ya suvarmaq üçün yararlı olduğunu bilmədən istifadə etsək pis nəticələnə bilər.
2. Nümunə götürmə zamanı nələrə diqət yetirilməlidir?
Nümunəni hansı analiz üçün götürməyimizdən asılı olaraq dəyişir. Nümunə götürülmə şəraiti, nümunənin həcmi və sayı, götürülmə dərinliyi və s.
3. Bir qabda götürülən nümunədə bütün göstəriciləri təyin etmək mümkündürmü?
Aparılacaq analizlərdən asılıdır. Təyin olunan göstəricilərə görə nümunə götürmə qablarının materialı fəqrlidir.
4. Torpaq nümunəsini analiz etməyin faydaları nədir?
Torpağı analiz edərək əkinə yararlı olub-olmamasını müəyyən etmək olur. Tərkibindəki makro və mikroelementlərin miqdarını bilərək düzgün aqrotexniki qulluq göstərməklə həm məhsuldarlığı artırmaq, həm də torpağın çirklənməsinin qarşısını almaq olar.
5. Mən suyu analiz etdirmək istəyirəm, bunun üçün nə etməliyəm?
Bizimlə əlaqə saxlayaraq nümunə götürmə qaydaları haqqında məlumat almalı və nümunəni bizim laboratoriyamıza gətirməlisiniz.
6. Laboratoriyanızda istahsalat təcrübələri keçirilirmi?
Bəli, Laboratoriyamızda tələbələrə istehsalat təcrübəsi keçirilir.
7. Sizinlə əməkdaşlıq üçün nə etmək lazımdır?
Bizimlə əlaqə saxlamaq kifayətdir, biz həm məlumat verə bilərik, həm də nümunəni istədiyiniz yerdən götürərək analiz nəticələrini qısa müddət ərzində təqdim edə bilərik.
8. Laboratoriyanızda müəssisədən atılan çirkab suların analizi aparılırmı?
Ətraf mühitin çirklənməsinin qarşısının alınması məqsədilə çirkab sularının analizi aparılır. Həmçinin, təmizləyici qurğu quraşdırılmazdan əvvəl mütləq şəkildə çirkab suyun analizi aparılmalıdır ki, qurğunun gücünü hesablamaq mümkün olsun.
9. Bitkilərin quruma səbəbini necə bilmək olar?
Bunun üçün ilk növbədə torpaq və suvarma suyu analiz olunmalıdır. Kimyəvi analizlə paralel bioloji analizlər də aparılmalıdır. Bitki zərərvericiləri, bakteriya və göbələk xəstəlikləri araşdırılmalıdır. Laboratoriyamızda bu analizlər aparılır.
